ഗർഷോം
അധികാരമേറ്റതിന് പിന്നാലെ ട്രംപിന്റെ ആദ്യ ഔദ്യോഗിക നടപടിയായിരുന്നു ഒബാമാ കെയര് അവസാനിപ്പിച്ചുകൊണ്ടുള്ള ഉത്തരവില് ഒപ്പുവെച്ചത്. ഒബാമ കെയറുമായി ബന്ധപ്പെട്ട എല്ലാ നടപടികളും നിര്ത്തിവെക്കാന് എല്ലാ സര്ക്കാര് ഏജന്സികള്ക്കും പ്രസിഡന്റിന്റെ ഓഫീസ് നിര്ദ്ദേശം നല്കി.
വാഷിങ്ടണ്: ഒബാമ കെയര് പദ്ധതി നിര്ത്തി. അധികാരമേറ്റതിന് പിന്നാലെ ട്രംപിന്റെ ആദ്യ ഔദ്യോഗിക നടപടിയായിരുന്നു ഒബാമാ കെയര് അവസാനിപ്പിച്ചുകൊണ്ടുള്ള ഉത്തരവില് ഒപ്പുവെച്ചത്. ഒബാമ കെയറുമായി ബന്ധപ്പെട്ട എല്ലാ നടപടികളും നിര്ത്തിവെക്കാന് എല്ലാ സര്ക്കാര് ഏജന്സികള്ക്കും പ്രസിഡന്റിന്റെ ഓഫീസ് നിര്ദ്ദേശം നല്കി.
ട്രംപിന്റെ തിരഞ്ഞെടുപ്പ് പ്രചാരണത്തിലെ മുഖ്യ വാഗ്ദാനമായിരുന്നു ഒബാമാ കെയര് അവസാനിപ്പിക്കും എന്നത്. ഒബാമാ ഭരണത്തിന്റെ മുഖമുദ്രയായ ആരോഗ്യ ഇന്ഷുറന്സ് പദ്ധതിയായിരുന്നു ഒബാമാ കെയര്. പകരം പുതിയ പദ്ധതി കൊണ്ടുവരുമെന്ന് ട്രംപ് വാഗ്ദാനം ചെയ്തിരുന്നെങ്കിലും അതേക്കുറിച്ച് വിശദീകരണങ്ങളൊന്നും നല്കിയിട്ടില്ല.
ഇന്നലെ രാത്രി ഇന്ത്യന് സമയം 10.30 നായിരുന്നു അമേരിക്കയുടെ 45മത്തെ പ്രസിഡന്റായി ഡൊണാള്ഡ് ട്രംപ് സത്യപ്രതിജ്ഞ ചെയ്ത് അധികാരമേറ്റത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.