കുട്ടികളില്ലാത്ത കുടുംബമെന്ന സങ്കൽപ്പത്തിനു ഓസ്ട്രേലിയയിൽ പ്രചാരമേറുന്നു

ബ്രിസ്ബേൺ: ഭാര്യയും ഭർത്താവും മാത്രമുള്ള, കുട്ടികളില്ലാത്ത കുടുംബത്തിനു ഓസ്ട്രേലിയയിൽ പ്രചാരമേറുന്നതായി കണ്ടെത്തൽ. 2023 ഓടെ ഇത്തരം കുടുംബങ്ങൾ രാജ്യത്ത് സർവ്വസാധാരണമാകുമെന്നാണു റിപ്പോർട്ട്.

2023നും 2029നും ഇടയിൽ കുട്ടികളുള്ള കുടുംബങ്ങളേക്കാൾ കുട്ടികളില്ലാത്ത സ്ത്രീ-പുരുഷബന്ധങ്ങളായിരിക്കും കൂടുതലെന്നു ഓസ്ട്രേലിയൻ സ്റ്റാറ്റിസ്റ്റിക്സ് ബ്യൂറോ വിലയിരുത്തുന്നു. ജപ്പാൻ, സൗത്ത് കൊറിയ എന്നിവിടങ്ങളിൽ ഈ പ്രവണത ഇതിനോടകം തന്നെ വ്യാപകമായിട്ടുണ്ട്. 

ആവശ്യത്തിനു കുഞ്ഞുങ്ങൾ ഇല്ലാതാകുന്നതോടെ പൗരന്മാരുടെ എണ്ണം നിയന്ത്രണാതീതമായി കുറയും. ഒപ്പം വയോധികരുടെ എണ്ണം കൂടുകയും ചെയ്യും. അതിനാൽ തന്നെ ഈ പ്രവണത രാജ്യവളർച്ചയെ പ്രതികൂലമായി ബാധിക്കുമെന്നാണു വിലയിരുത്തപ്പെടുന്നത്.