ഗർഷോം
തലശേരി: സെല്ഫിയെടുക്കാനുള്ള ശ്രമത്തില് അമേരിക്കയില് മലയാളി യുവ ദമ്പതികള് കൊക്കയില് വീണു മരിച്ചു. കതിരൂര് ശ്രേയസ് ആശുപത്രി ഉടമ ഡോ. എം.വി. വിശ്വനാഥന്-ഡോ. സുഹാസിനി ദമ്പതികളുടെ മകന് ബാവുക്കം വീട്ടില് വിഷ്ണു (29) ഭാര്യ മീനാക്ഷി (29) എന്നിവരാണ് മരിച്ചത്. കോട്ടയം യൂണിയന് ക്ലബിനു സമീപത്തെ രാമമൂര്ത്തി-ചിത്ര ദമ്പതികളുടെ മകളാണ് മീനാക്ഷി.
ചൊവ്വാഴ്ചയാണ് ദുരന്തമുണ്ടായത്. ചെങ്ങന്നൂരിലെ എന്ജിനിയറിംഗ് കോളജില് സഹപാഠികളായിരുന്ന ഇരുവരും പ്രണയിച്ച് വിവാഹം കഴിച്ചവരാണ്. ഇരുവരും ട്രക്കിംഗ് നടത്തുന്നതിനിടയില് മലമുകളില് നിന്ന് സെല്ഫി എടുക്കുന്നതിനിടെ കാല്വഴുതി കൊക്കയിലേക്ക് വീഴുകയായിരുന്നു.
മൃതദേഹത്തില് നിന്നും ലഭിച്ച ഡ്രൈവിംഗ് ലൈസന്സില് നിന്നാണ് മരിച്ചവര് ഇന്ത്യക്കാരാണെന്ന് തിരിച്ചറിഞ്ഞത്. സോഫ്റ്റ്വെയര് എന്ജിനിയറായ വിഷ്ണു ബുധനാഴ്ച ഓഫീസിലെത്തിയിരുന്നില്ല. സഹപ്രവര്ത്തകര് അന്വേഷണം നടത്തുന്നതിനിടയിലാണ് മരണവിവരം അറിഞ്ഞത്. വിഷ്ണുവിന്റെ സഹോദരന് ജിഷ്ണു ഓസ്ട്രലിയയിലെ മെല്ബണിലാണ്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.