ഗർഷോം
അബുദാബി: റമദാനില് യുഎഇയിലെ സ്വകാര്യ സ്ഥാപനങ്ങളുടെ പ്രവൃത്തിസമയം പ്രഖ്യാപിച്ചു. പ്രവൃത്തിസമയത്തില് രണ്ട് മണിക്കൂറിന്റെ ഇളവ് നല്കണമെന്ന് മാനവ വിഭവശേഷി മന്ത്രാലയം പുറത്തിറക്കിയ സര്ക്കുലറില് പറയുന്നു. സ്വകാര്യ മേഖലയിലുള്ള എല്ലാ സ്ഥാപനങ്ങളും കമ്പനികളും റമദാനിലെ മുഴുവന് ദിവസങ്ങളിലും പ്രവൃത്തി സമയത്തില് രണ്ട് മണിക്കൂര് കുറവ് വരുത്തണമെന്ന് ഔദ്യോഗിക വെബ്സൈറ്റിലെ അറിയിപ്പില് പറയുന്നു. തൊഴില് നിയമപ്രകാരം മുസ്ലിംകള് അല്ലാത്തവര്ക്കും റമദാനില് ജോലി സമയത്തില് മുഴുവന് ശമ്പളത്തോടുകൂടിയുള്ള ഇളവ് അനുവദിക്കണം.
യുഎഇ ഉള്പ്പെടെയുള്ള അറബ് രാജ്യങ്ങളില് മേയ് ആറിനായിരിക്കും റമദാന് വ്രതം ആരംഭിക്കുകയെന്നാണ് അന്താരാഷ്ട്ര ജ്യോതിശാസ്ത്ര ഗവേഷണ കേന്ദ്രം പ്രവചിച്ചിട്ടുണ്ട്. റമാനില് ദുബായിലെ സ്കൂളുകള്ക്ക് ബാധകമായ പ്രവൃത്തി സമയം നേരത്തെ പ്രഖ്യാപിച്ചിരുന്നു. റമദാനില് സ്കൂളുകളുടെ പരമാവധി പ്രവൃത്തി സമയം അഞ്ച് മണിക്കൂറില് കൂടുതലാവാന് പാടില്ല.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.