ഗർഷോം
ഇന്ത്യയടക്കമുള്ള മുപ്പതോളം രാജ്യങ്ങളില്നിന്നായി അറുനൂറോളം സ്ഥാപനങ്ങള് അവരുടെ ഏറ്റവും പുതിയ മോഡലുകളുമായി പ്രദര്ശനത്തില് പങ്കെടുക്കും.
മനാമ: ബഹ്റൈനില് ജ്വല്ലറി അറേബ്യ പ്രദര്ശനം അടുത്ത മാസം 22 മുതല്. ഒരുക്കങ്ങൾ എല്ലാം പൂർത്തിയായതായി സംഘാടകർ അറിയിച്ചു. ഇന്ത്യയടക്കമുള്ള മുപ്പതോളം രാജ്യങ്ങളില്നിന്നായി അറുനൂറോളം സ്ഥാപനങ്ങള് അവരുടെ ഏറ്റവും പുതിയ മോഡലുകളുമായി പ്രദര്ശനത്തില് പങ്കെടുക്കും.
നവംബർ 26 വരെ ബഹ്റൈന് ഇന്റര്നാഷണല് എക്സിബിഷന് സെന്ററിലാണ് പ്രദർശനം നടക്കുക. 22-നു നടക്കുന്ന ഉദ്ഘാടനച്ചടങ്ങില് മന്ത്രിമാരും മന്ത്രാലയങ്ങളില്നിന്നുള്ള ഉന്നതോദ്യോഗസ്ഥരും വിവിധ എംബസിയില്നിന്നടക്കമുള്ള നയതന്ത്രപ്രതിനിധികളും പങ്കുചേരും. ദിവസേന വൈകിട്ട് നാലു മുതല് രാത്രി പത്തുമണിവരെ പൊതുജനങ്ങള്ക്ക് പ്രവേശനം അനുവദിക്കുമെന്നും സംഘാടകർ അറിയിച്ചു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.