Currency

കോവിഡ് സുരക്ഷ: ബഹ്‌റൈനിലെ വ്യാപാര സ്ഥാപനങ്ങളില്‍ കോവിഡ് പരിശോധന

സ്വന്തം ലേഖകന്‍Wednesday, March 24, 2021 11:12 am
covid-test
Villa-kochi-Kerala

മനാമ: കോവിഡ് പ്രതിരോധത്തിനുള്ള നിര്‍ദേശങ്ങള്‍ പാലിക്കുന്നുണ്ടെന്ന് ഉറപ്പ് വരുത്തുന്നതിന്റെ ഭാഗമായി ബഹ്‌റൈനില്‍ അയ്യായിരം വ്യാപാര സ്ഥാപനങ്ങളില്‍ അധിക്യതര്‍ പരിശോധനകള്‍ പൂര്‍ത്തിയാക്കി. കോവിഡ് നിയന്ത്രണങ്ങള്‍ ഏര്‍പ്പെടുത്തിയതിന് ശേഷം റെസ്റ്റോറന്റുകള്‍, കോഫി ഷോപ്പുകള്‍, ബാര്‍ബര്‍ ഷോപ്പുകള്‍, ബ്യുട്ടി പാര്‍ലറുകള്‍ എന്നീ സ്ഥാപനങ്ങളിലാണ് പരിശോധനകള്‍ കര്‍ശനമാക്കിയത്. 1345 റെസ്റ്റോറന്റുകള്‍ പരിശോധിക്കുകയും സാമൂഹിക അകലം പാലിക്കുന്നതുള്‍പ്പെടെയുള്ള നിര്‍ദേശങ്ങള്‍ നടപ്പില്‍ വരുത്തുന്നുണ്ടെന്ന് ഉറപ്പ് വരുത്തുകയും ചെയ്തു.

നിയമ ലംഘനം നടത്തിയ ചില റെസ്റ്റോറന്റുകള്‍ അടച്ചു പൂട്ടാനും നിര്‍ദേശം നല്‍കി. 3275 ജെന്റ്‌സ്, ലേഡീസ് ബ്യൂട്ടി പാര്‍ലറുകളിലും പരിശോധന നടന്നു. ഉപഭോക്താക്കളുടെയും ജീവനക്കാരുടെയും സുരക്ഷ ഉറപ്പാക്കുന്നതിനാവശ്യമായ നടപടികള്‍ സ്വീകരിച്ചതായി വ്യാപാര, വാണിജ്യ, ടൂറിസം മന്ത്രാലയത്തിലെ ഇന്‍സ്‌പെക്ഷന്‍ ആന്‍ഡ് എച്ച്.ആര്‍ വിഭാഗം അസി. അണ്ടര്‍ സെക്രട്ടറി അബ്ദുല്‍ അസീസ് അല്‍ അഷ്‌റഫ് വ്യക്തമാക്കി.


പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.

Leave a Comment

Your email address will not be published. Required fields are marked *

Top
x