കുട്ടികൾക്കായുള്ള സ്ലൈം ടോയ്സുകൾ ആരോഗ്യത്തിന് ഹാനികരമെന്ന് മന്ത്രാലയം

മനാമ: കുട്ടികൾക്കായുള്ള പശയും, ജെല്ലും നിറഞ്ഞ സ്ലൈം ടോയ്സുകൾ ആരോഗ്യത്തിന് ഹാനികരമാണെന്ന് ബഹ്റൈൻ വാണിജ്യ, ടൂറിസം മന്ത്രാലയം മുന്നറിയിപ്പ് നൽകി. കളിപ്പാട്ടങ്ങളിൽ കുട്ടികളുടെ ആരോഗ്യത്തെ ബാധിക്കാവുന്ന തരത്തിലുള്ള രാസപദാർത്ഥങ്ങൾ ഉണ്ടെന്നാണു കണ്ടെത്തിയിരിക്കുന്നത്.

ഇത്തരം കളിപ്പാട്ടങ്ങളൂടെ നിർമ്മാണത്തിന് പശ, ബോറിക് ആസിഡ്, വാഷിംഗ് പൗഡർ, ടൂത്ത്പേസ്റ്റ്, മറ്റു രാസവസ്തുക്കൾ തുടങ്ങിയവയാണ് ഉപയോഗിക്കുന്നതെന്ന് അനേഷണത്തിൽ കണ്ടെത്തി. 

നിർമ്മാണ മേഖലയിൽ ഉപയോഗിക്കുന്ന ബ്രിക് ആസിഡ് എന്ന രാസപദർത്ഥത്തിന്റെ സാന്നിധ്യവും കണ്ടെത്തിയിട്ടുണ്ട്. ഇത് നേരിട്ട് തൊടാൻ പാടില്ലാത്ത വസ്തുവാണ്. പ്രത്യുത്പാദന അവയവങ്ങളുടെ ആരോഗ്യത്തെയും വളർച്ചയെയും ഈ രാസപദാർത്ഥം വളരെ ദോഷകരമായി ബാധിക്കുമെന്നു നേരത്തെ കണ്ടെത്തിയിരുന്നു.