ബഹ്റൈനിൽ മഴ തുടരുന്നു; ശുചീകരണ തൊഴിലാളികൾ ദുരിതത്തിൽ

മനാമ: ബഹ്റൈനിൽ മഴ തുടരുന്നു. . പല സ്ഥലങ്ങളിലും മഴ വെള്ളവും അഴുക്കുവെള്ളം കെട്ടിക്കിടക്കുകയാണ്. ഫ്‌ളാറ്റുകളുടെ സമീപങ്ങളിൽ സൂക്ഷിച്ചിട്ടുള്ള ചവറു വീപ്പകളിൽ മലിനജലം നിറഞ്ഞു പുറത്തേയ്ക്ക് ഒഴുകുന്ന നിലയിലാണ്. ഭക്ഷണാവശിഷ്ടങ്ങളും മറ്റും റോഡുകളിലേയ്ക്ക് ഒഴുകിയെത്തിയിട്ടുമുണ്ട്. ഇതാകട്ടെ നഗരസഭയിലെ ശുചീകരണ തൊഴിലാളികളെ ദുരിതത്തിലാക്കിയിരിക്കുകയാണ്.

മഴയുള്ളതിനാൽ പലരും ചവറ്റു കുട്ടയിലേയ്ക്ക് ചപ്പു ചവറുകൾ വലിച്ചറിയുന്നതാണ് ജോലിഭാരം കൂടുന്നതിന് കാരണമായതെന്ന് തൊഴിലാളികൾ പറയുന്നു. മനാമ, ഗുദൈബിയ തുടങ്ങിയ ഇടുങ്ങിയ പ്രദേശങ്ങളിലെ ഇടറോഡുകളിൽ പലതും മഴവെള്ളവും മലിന ജലവും കൂടി കെട്ടിക്കിടക്കുകയാണ്. മഴവെള്ളം നിറഞ്ഞതോടെ റോഡുകൾക്കടിയിലൂടെ കടന്നു പോകുന്ന മാലിന്യ പൈപ്പുകൾ ബ്ലോക്കാവുകയും റോഡുകളിൽ കൂടി വെള്ളം ഒഴുകുന്ന അവസ്‌ഥയും ചില ഇടങ്ങളിൽ ഉണ്ടായിട്ടുണ്ട്.