ഓസ്‌ട്രേലിയയിൽ വ്യാജനോട്ടുകൾ പെരുകുന്നു

സിഡ്നി: ഓസ്‌ട്രേലിയൻ സമ്പദ് വ്യവസ്ഥയിൽ കള്ളനോട്ടുകൾ പെരുകുന്നുവെന്ന് മുന്നറിയിപ്പ്. 50 ഡോളറിന്റെ വ്യാജനോട്ടുകളാണു കൂടുതലായി എത്തുന്നത്. കഴിഞ്ഞ രണ്ടു വർഷങ്ങളായി ഇത്തരത്തിലുള്ള 33,000 വ്യാജനോട്ടുകൾ കണ്ടെത്തി നീക്കം ചെയ്തിട്ടുണ്ട്‌.

2013-ൽ കണ്ടെത്തിയ കള്ളനോട്ടുകളെക്കാൾ ഇരട്ടിയിലധികമാണിത്.ഇപ്പോഴത്തെ 50ഡോളർ നോട്ടുകൾ സ്റ്റേറ്റ് ഓഫ് ദി ആർട്ട് സുരക്ഷാമാനദണ്‌ഡങ്ങൾ ഉപയോഗിച്ച് 1995-ൽ രൂപകല്പന ചെയ്തവയാണ്.

ഇത്തരത്തിൽ കള്ളനൊട്ടുകൾ പെരുകുന്നത് വ്യാപാരികൾക്കും ഉപഭോക്താക്കൾക്കും ഉണ്ടാക്കുന്ന നഷ്ടം ഭീകരമാണ്. ഓരോ 14 ദിവസത്തിലും വ്യാജനോട്ടു നിർമാണവുമായി ബന്ധമുള്ള ഒരു കേസെങ്കിലും രാജ്യത്തു റിപ്പോർട്ട് ചെയ്യപ്പെടുന്നുണ്ട്.