യുകെയിൽ തൊഴിലില്ലായ്മ നിരക്ക് വീണ്ടും കുറഞ്ഞു

ലണ്ടൻ: യുകെയിൽ തൊഴിലില്ലായ്മ നിരക്ക് കുറഞ്ഞു തന്നെ തുടരുന്നു. ജുലൈ വരെയുള്ള കണക്കുകൾ പ്രകാരം 4.9 ശതമാനമാണു രാജ്യത്തെ തൊഴിലില്ലായ്മ നിരക്ക്. ബ്രെക്സിറ്റിനു ശേഷമുള്ള ഒരുമാസവും ഇതിൽ ഉൾപ്പെടുന്നതിനാൽ ബ്രെക്സിറ്റ് ഫലം ബ്രിട്ടീഷ് ജോബ് മാർക്കറ്റിനെ കാര്യമായി സ്വാധീനിച്ചിട്ടില്ല എന്ന് വേണം അനുമാനിക്കാൻ.

74.5 ശതമാനമെന്ന് റെക്കോർഡ് നിരക്കിലാണു രാജ്യത്തെ തൊഴിൽ ഉള്ളവരുടെ എണ്ണം. ഓഫീസ് ഫോർ നാഷണൽ സ്റ്റാറ്റിസ്റ്റിക്സ് കഴിഞ്ഞ ദിവസം പുറത്തുവിട്ട കണക്കുകൾ പ്രകാരം പ്രസ്തുത കാലയളവിൽ 1.63 മില്യൺ ആളുകളാണു തൊഴിൽരഹിതരായി രാജ്യത്തുള്ളത്. മുൻ വർഷത്തെ അപേക്ഷിച്ച് തൊഴിൽരഹിതരുടെ എണ്ണത്തിൽ 190,000 കുറവാണു ഉണ്ടായിരിക്കുന്നത്.