Currency

Muscat

ഭക്ഷണം പാചകം ചെയ്യാന്‍ അലൂമിനിയം ഫോയില്‍ ഉപയോഗിക്കുന്നതിന് വിലക്ക്

ഭക്ഷണം പാചകം ചെയ്യാന്‍ അലൂമിനിയം ഫോയില്‍ ഉപയോഗിക്കുന്നതിന് വിലക്കേര്‍പ്പെടുത്തി ഒമാന്‍. റീജ്യണല്‍ മുനിസിപ്പാലിറ്റീസ് ആന്റ് വാട്ടര്‍ റിസോഴ്‌സസ് മന്ത്രാലയമാണ് രാജ്യത്തെ ഹോട്ടലുകള്‍ക്ക് ഇത് സംബന്ധിച്ച മുന്നറിയിപ്പ് നല്‍കിയത്.

ബാര്‍ബര്‍ ഷോപ്പ്: ഒമാനില്‍ കര്‍ശന നിര്‍ദേശങ്ങള്‍

അധികൃതര്‍ നിര്‍ദേശിക്കുന്ന നിലവാരമുള്ള കസേരകളും മേശകളും കണ്ണാടികളും കടകളില്‍ സ്ഥാപിക്കണം. ചൂടുവെള്ളം ലഭിക്കുന്ന ഹാന്‍ഡ് വാഷ് സംവിധാനവും ഓരോ ഉപയോഗത്തിന് ശേഷവും ഷേവിംഗ് ഉപകരണങ്ങളും മറ്റും ഡിറ്റര്‍ജന്റുകളും അണുനാശിനികളും ഉപയോഗിച്ച് വൃത്തിയാക്കണം.

ഒമാന്‍ ദേശീയ ദിനാഘോഷം: നിരക്കിളവ് പ്രഖ്യാപിച്ച് എമിറേറ്റ്സ്

ഒമാന്റെ 49ാം ദേശീയദിനാഘോഷങ്ങളുടെ ഭാഗമായി യൂറോപ്പ് ഉള്‍പ്പടെയുള്ള സെക്ടറുകളിലേക്ക് നിരക്കിളവ് പ്രഖ്യാപിച്ച് എമിറേറ്റ്സ് എയര്‍ലൈന്‍സ്. ഈ മാസം 14ന് മുമ്പായി ടിക്കറ്റ് ബുക്ക് ചെയ്യുന്നവര്‍ക്കാണ് ഈ ഓഫര്‍ ലഭിക്കുക. ന്യൂയോര്‍ക്ക്, ലണ്ടന്‍, മാഡ്രിഡ്, ആംസ്റ്റര്‍ഡം, അമ്മാന്‍ തുടങ്ങിയ സെക്ടറുകളിലേക്ക് ടിക്കറ്റ് നിരക്കിളവ് ലഭിക്കും.

‘മഹാ’ ചുഴലിക്കാറ്റ്; ബുധനാഴ്ച ഒമാനില്‍ മഴക്ക് സാധ്യത

അല്‍ വുസ്ത, തെക്കന്‍ ശര്‍ഖിയ തീരങ്ങളിലാണ് മഴക്ക് സാധ്യത. ബുധനാഴ്ച വരെ കടലും പ്രക്ഷുബ്ധമായിരിക്കും. അറബിക്കടലില്‍ മൂന്ന് മീറ്റര്‍ മുതല്‍ നാല് മീറ്റര്‍ വരെ ഉയരത്തിലും ഒമാന്‍ കടലില്‍ രണ്ട് മുതല്‍ മൂന്ന് മീറ്റര്‍ വരെ ഉയരത്തിലും തിരമാലകള്‍ ഉയരാന്‍ സാധ്യതയുണ്ട്. താഴ്ന്ന പ്രദേശങ്ങളിലേക്ക് കടല്‍ കയറാന്‍ സാധ്യതയുള്ളതിനാല്‍ ജനങ്ങള്‍ ജാഗ്രത പാലിക്കണമെന്നും അധികൃതര്‍ അറിയിച്ചു.

നബി ദിനം; ഒമാനില്‍ അവധി ദിവസം പ്രഖ്യാപിച്ചു

പ്രവാചകന്‍ മുഹമ്മദ് നബിയുടെ ജന്മദിനത്തിന്റെ ഭാഗമായി പൊതു- സ്വകാര്യ മേഖലകള്‍ക്ക് ഒമാന്‍ സര്‍ക്കാര്‍ അവധി പ്രഖ്യാപിച്ചു.

മസ്‌കത്ത് കണ്ണൂര്‍ ഗോ എയര്‍ വിമാനത്തിന്റെ സമയം മാറ്റുന്നു

നവംബര്‍ 14 മുതല്‍ പുതിയ സമയക്രമം പ്രാബല്യത്തില്‍ വരും. ഇപ്പോള്‍ കണ്ണൂരില്‍നിന്ന് ഇന്ത്യന്‍ സമയം രാത്രി 8.55നാണ് വിമാനം പുറപ്പെടുന്നത്. ഇത് 11.15ന് ഒമാനിലെത്തും. തിരിച്ച് 12.15ന് പുറപ്പെട്ട് പുലര്‍ച്ചെ 5.15ന് കണ്ണൂരില്‍ എത്തും. നവംബര്‍ 14 മുതല്‍ കണ്ണൂരില്‍ നിന്ന് രാവിലെ എട്ടരക്കാണ് പുറപ്പെടുക. ഇത് 10.50ന് മസ്‌കത്തിലെത്തും. തിരിച്ച് 11.50ന് പുറപ്പെട്ട് വൈകീട്ട് 4.45ന് കണ്ണൂരില്‍ എത്തും.

അടുത്ത അഞ്ച് ദിവസത്തേക്ക് ‘മഹാ’ ഒമാന്‍ തീരത്തെ ബാധിക്കില്ല

ഒമാന്‍ തീരത്തിന് സമാന്തരമായി തെക്ക്/തെക്ക് പടിഞ്ഞാറ് ഭാഗത്തേക്കാണ് ക്യാര്‍ ചുഴലിക്കാറ്റിന്റെ സഞ്ചാരം. ഒമാനിലെ റാസ് അല്‍ മദ്‌റക്ക തീരത്തിന് 500 കിലോമീറ്റര്‍ അകലെയാണ് കാറ്റിന്റെ സ്ഥാനം. 48 മണിക്കൂറിനുള്ളില്‍ കാറ്റ് നിര്‍വീര്യമാകുമെന്നും അല്‍ വുസ്ത, ദോഫാര്‍ ഗവര്‍ണറേറ്റുകളില്‍ ഒറ്റപ്പെട്ട ശക്തമായ മഴക്ക് സാധ്യതയുണ്ടെന്നും ഒമാന്‍ കാലാവസ്ഥാ നിരീക്ഷണ കേന്ദ്രം ഇന്ന് പുറപ്പെടുവിച്ച അറിയിപ്പില്‍ പറയുന്നു.

ഒമാനില്‍ ക്യാര്‍ ചുഴലിക്കാറ്റിന്റെ ശക്തി കുറഞ്ഞു; മണിക്കൂറില്‍ 61 കിലോമീറ്റര്‍ വേഗത

ഒമാനില്‍ ക്യാര്‍ ചുഴലിക്കാറ്റിന്റെ ശക്തി കുറഞ്ഞു. മസീറ തീരത്ത് നിന്ന് നീങ്ങി അല്‍ വുസ്ത, ദോഫാര്‍ തീരങ്ങള്‍ക്ക് സമാന്തരമായാണ് കാറ്റ് ഇപ്പോള്‍ നീങ്ങുന്നത്. മണിക്കൂറില്‍ 61 കിലോമീറ്റര്‍ വരെയാണ് കാറ്റിന്റെ ഇപ്പോഴത്തെ വേഗത. അറബിക്കടലിന്റെ തെക്ക് ഭാഗത്ത് ‘മഹാ’ ചുഴലിക്കാറ്റ് രൂപപ്പെട്ടിട്ടുള്ളതായും കാലാവസ്ഥാ കേന്ദ്രം അറിയിച്ചു. ഒരേസമയം രണ്ട് ചുഴലികാറ്റുകള്‍ രൂപപ്പെടുകയെന്ന അപൂര്‍വ പ്രതിഭാസത്തിനാണ് അറബിക്കടല്‍ സാക്ഷ്യം വഹിക്കുന്നത്.

റൂവി സി.ബി.ഡിയില്‍ ബഹുനില പാര്‍ക്കിങ് കേന്ദ്രങ്ങള്‍ സ്ഥാപിക്കുന്നു

സി.ബി.ഡി മേഖലയിലെ സുഹാര്‍ ഇന്റര്‍നാഷനല്‍ ബാങ്ക്, ഒമാന്‍ പോസ്റ്റ് ഓഫിസ് കെട്ടിടം, ബൈത്തുല്‍ മസ്‌കാന്‍ കെട്ടിടം എന്നിവക്ക് സമീപമാണ് പാര്‍ക്കിങ് സൗകര്യം ഒരുക്കുന്നത്. ഇവ പൂര്‍ത്തിയാകുന്നതോടെ 560 ഓളം വാഹനങ്ങള്‍ക്ക് പാര്‍ക്ക് ചെയ്യാനാകുമെന്നാണ് കരുതുന്നത്. ഒന്നോ രണ്ടോ നില പാര്‍ക്കിങ് സൗകര്യം നിര്‍മിക്കാനാണ് പദ്ധതിയിടുന്നതെന്ന് നഗരസഭയിലെ ഉദ്യോഗസ്ഥന്‍ പറഞ്ഞു.

അഞ്ച് ദിവസം ജാഗ്രതാ നിര്‍ദേശം; ‘ക്യാര്‍’ ഒമാന്‍ തീരത്ത് ആഞ്ഞടിക്കാന്‍ സാധ്യത

കാറ്റിന് മണിക്കൂറില്‍ 80 മുതല്‍ 100 കിലോമീറ്റര്‍ ഉപരിതല വേഗത ഉള്ളതായി കാലാവസ്ഥ കേന്ദ്രത്തിന്റെ അറിയിപ്പില്‍ പറയുന്നു. തീവ്ര ചുഴലിക്കാറ്റായി മാറുന്ന ‘ക്യാര്‍’ അടുത്ത അഞ്ചു ദിവസത്തിനുള്ളില്‍ ഒമാന്റെ തെക്കന്‍ ഭാഗത്തും തുടര്‍ന്ന് യമന്‍ തീരത്തും ആഞ്ഞടിക്കുവാന്‍ സാധ്യത ഉണ്ട്.

x