ഓസ്ട്രേലിയൻ പൗരത്വത്തിനുള്ള അപേക്ഷകൾ വീണ്ടും പരിഗണിച്ചുതുടങ്ങി

ഓസ്ട്രേലിയൻ പൗരത്വ നിയമം ഭേദഗതി ചെയ്യാനുള്ള സർക്കാർ നീക്കം സെനറ്റിൻറെ പരിഗണനാപ്പട്ടികയിൽ നിന്ന് പുറത്തായതോടെ, കെട്ടിക്കിടന്ന പൗരത്വ അപേക്ഷകൾ പരിഗണിക്കുന്നത് കുടിയേറ്റകാര്യവകുപ്പ് പുനഃരാരംഭിച്ചു.

അതേസമയം ഇംഗ്ലീഷ് ഭാഷാ പ്രാവീണ്യം നിർബന്ധിതമാക്കുന്നതുൾപ്പെടെയുള്ള കഠിനമായ വ്യവസ്ഥകൾ വീണ്ടും കൊണ്ടുവരും എന്ന ഉറച്ച നിലപാടുമായി സർക്കാർ മുന്നോട്ടുപോകുകയാണ്. അതിനാൽ തന്നെ നിലവിലെ സാഹചര്യത്തിൽ അപേക്ഷ നൽകി പൗരത്വം നേടിയെടുക്കാൻ ശ്രമിക്കുന്ന വിദേശികളുടെ എണ്ണവും കൂടിയിട്ടുണ്ട്.