ഗർഷോം
ദുബായിൽ ഡ്രൈവിംഗ് ലൈസൻസ് പുതുക്കൽ ഓൺലൈൻ വഴി മാത്രമാക്കി നിജപ്പെടുത്തുന്നു. നവംബര്‍ 27 മുതൽ ആര്‍.ടി.എയുടെ ഉപഭോക്തൃ സേവന കൗണ്ടറുകളില്‍ ഡ്രൈവിങ് ലൈസന്‍സ് പുതുക്കൽ സൗകര്യം ലഭ്യമാകില്ലെന്ന് അധികൃതർ അറിയിച്ചു.
ദുബായ്: ദുബായിൽ ഡ്രൈവിംഗ് ലൈസൻസ് പുതുക്കൽ ഓൺലൈൻ വഴി മാത്രമാക്കി നിജപ്പെടുത്തുന്നു. നവംബര്‍ 27 മുതൽ ആര്‍.ടി.എയുടെ ഉപഭോക്തൃ സേവന കൗണ്ടറുകളില്‍ ഡ്രൈവിങ് ലൈസന്‍സ് പുതുക്കൽ സൗകര്യം ലഭ്യമാകില്ലെന്ന് അധികൃതർ അറിയിച്ചു. ഘട്ടംഘട്ടമായിട്ടായിരിക്കും ലൈസൻസ് പുതുക്കൽ ഓൺലൈൻ വഴിയാക്കുക.
ഇതിന്റെ ആദ്യപടിയെന്നോളം 21 വയസിന് താഴെയുള്ളവരുടെ ലൈസന്‍സ് പുതുക്കുന്ന ജോലികള്‍ ഈമാസം 16 മുതല്‍ ഓണ്‍ലൈനാകും. ഈ മാസം 30 മുതൽ നഷ്ടപ്പെട്ട ലൈസന്‍സ് വീണ്ടെടുക്കലും, കേടുപറ്റിയ ലൈസന്‍സ് മാറ്റിയെടുക്കലും ഓൺലൈൻ വഴിയാക്കും. ആര്‍ ടി എയുടെ സ്മാര്‍ട്ട് ആപ്പ്, സ്മാര്‍ട്ട് കിയോസ്ക്, കോള്‍ സെന്‍റര്‍ എന്നിവ മുഖേന ഈ നടപടികള്‍ പൂര്‍ത്തിയാക്കാനാകുമെന്ന് അധികൃതർ അറിയിച്ചു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.