ഗർഷോം
ദുബായ്: വെള്ളിയാഴ്ച പുലര്ച്ചെയുണ്ടായ കനത്ത മൂടല്മഞ്ഞിനെ തുടര്ന്ന് ദുബായ് അന്താരാഷ്ട്ര വിമാനത്താവളത്തില് നിരവധി സര്വീസുകള് വൈകി. വെള്ളിയാഴ്ച പുലര്ച്ചെ കനത്ത മൂടല്മഞ്ഞാണ് യുഎഇയുടെ വിവിധ ഭാഗങ്ങളില് അനുഭവപ്പെടുന്നത്. 500 മീറ്ററില് താഴെ മാത്രമാണ് ദൂരക്കാഴ്ച സാധ്യമാവുന്നത്. അബുദാബി, ഷാര്ജ, ഉമ്മുല് ഖുവൈന്, അബുദാബി-ദുബായ് റോഡ്, അല് ദഫ്റ, അല് ശവാമീഖ് തുടങ്ങിയ പ്രദേശങ്ങളിലാണ് കനത്ത മഞ്ഞ് റിപ്പോര്ട്ട് ചെയ്യപ്പെട്ടത്.
മൂടല്മഞ്ഞിനെ തുടര്ന്ന് ചില സര്വീസുകളെ ബാധിച്ചിട്ടുണ്ടെന്നും യാത്രക്കാര് വെബ്സൈറ്റിലൂടെ വിമാനങ്ങളുടെ തത്സമയ വിവരങ്ങള് പരിശോധിക്കണമെന്നും എമിറേറ്റ്സ് ട്വിറ്ററിലൂടെ അറിയിച്ചിട്ടുണ്ട്.
വാഹനങ്ങള് ഓടിക്കുന്നവര് അതീവ ജാഗ്രത പുലര്ത്തണമെന്ന് ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ഇന്നും അന്തരീക്ഷം മേഘാവൃതമായി തന്നെ തുടരുമെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നത്. ശനിയാഴ്ച വരെ മഴയ്ക്ക് സാധ്യതയുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.