ഗർഷോം
ഹിജ്റ വർഷാരംഭത്തോട് അനുബന്ധിച്ച് ഒക്റ്റോബർ രണ്ട്, ഞായറാഴ്ച, ഷാർജയിൽ പാർക്കിംഗ് സൗജന്യമാക്കി.
ഷാർജ: ഹിജ്റ വർഷാരംഭത്തോട് അനുബന്ധിച്ച് ഒക്റ്റോബർ രണ്ട്, ഞായറാഴ്ച, ഷാർജയിൽ പാർക്കിംഗ് സൗജന്യമാക്കി. ഷാർജ നഗരസഭയിലെ പബ്ലിക് പാർക്കിംഗ് ഡിപ്പാർട്ട്മെന്റ് ഡയറക്റ്റർ ആതിഫ് അൽ സറൂണിയാണ് ഇക്കാര്യം അറിയിച്ചത്. നേരത്തെ ഹിജ്റ ദിനത്തിൽ യുഎഇയിൽ പൊതു അവധി പ്രഖ്യാപിച്ചിരുന്നു.
പാർക്കിംഗ് ചാർജുകൾ തിങ്കളാഴ്ച മുതൽ വീണ്ടും ഈടാക്കി തുടങ്ങുന്നതുമായിരിക്കും. ഷാർജ നിവാസികൾക്ക് ആഹ്ലാദപരവും ബുദ്ധിമുട്ടില്ലാത്തതുമാകണം ഹിജ്റ വർഷാരംഭം എന്ന കാര്യത്തിനാലാണ് പാർക്കിംഗ് സൗജന്യമാക്കുന്നതെന്ന് ആതിഫ് അൽ സറൂണി പറഞ്ഞു. അതേസമയം പാർക്കിംഗ് സൗജന്യമാക്കിയെങ്കിലും നിരീക്ഷണം തുടരുമെന്നും പാർക്കിംഗ് നിബന്ധനകൾ ലംഘിക്കുന്നവർക്കെതിരെ നടപടിയെടുക്കുമെന്നും അദ്ദേഹം വ്യക്തമാക്കി. ദുബായിലും ഇതേദിവസം സൗജന്യ പാർക്കിംഗ് അനുവദിച്ചിട്ടുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.