ഗർഷോം
ഹൂസ്റ്റണിലെ ഇന്ത്യന്‍ സമൂഹത്തിന്റെ വാര്‍ഷിക സംഗമത്തിലാണ് ഗ്രില്ലറ്റിനെ ആദരിച്ചത്. ഇന്ത്യന്‍ അംബാസിഡര്‍ നവ്‌തേജ് സാര്‍ണ ഗ്രില്ലറ്റിന് ചെക്ക് സമ്മാനിച്ചു.
ഹൂസ്റ്റൺ: ഇന്ത്യന്‍ എന്‍ജിനീയര്‍ ശ്രീനിവാസ കുചിത്‌ബോലയെ വെടിവെക്കുന്നത് തടയാന്‍ ശ്രമിക്കുന്നതിനിടെ വെടിയേറ്റ അമേരിക്കന്‍ പൗരന്‍ ഈന്‍ ഗ്രില്ലറ്റിനെ അമേരിക്കയിലെ ഇന്ത്യൻ സമൂഹം ആദരിച്ചു. $100000 ചെക്ക് ഗ്രില്ലറ്റിന് അമേരിക്കയിലെ ഇന്ത്യക്കാര്‍ നല്‍കി.
ഹൂസ്റ്റണിലെ ഇന്ത്യന്‍ സമൂഹത്തിന്റെ വാര്‍ഷിക സംഗമത്തിലാണ് ഗ്രില്ലറ്റിനെ ആദരിച്ചത്. ഇന്ത്യന്‍ അംബാസിഡര്‍ നവ്‌തേജ് സാര്‍ണ ഗ്രില്ലറ്റിന് ചെക്ക് സമ്മാനിച്ചു. കാന്‍സാസില്‍ സ്വന്തമായി വീടുവാങ്ങാനുള്ള ഗ്രില്ലറ്റിന്റെ മോഹമാണ് ഇതുവഴി ഇന്ത്യൻ സമൂഹം സാധിച്ചുകൊടുക്കുന്നത്.
ഏതൊരാളും ചെയ്യുന്നതേ താനും ചെയ്തിട്ടുള്ളു, ആളുകള്‍ക്കിടയില്‍ പ്രതീക്ഷ വളര്‍ത്താന്‍ കഴിഞ്ഞതില്‍ സന്തോഷമുണ്ടെന്ന് ചടങ്ങിൽ പങ്കെടുത്തുകൊണ്ട് ഗ്രില്ലറ്റ് പറഞ്ഞു.
അമേരിക്കയിലെ ബാറിലുണ്ടായ വെടിവെപ്പില്‍ ഇന്ത്യന്‍ എഞ്ചിനീയര്‍ ഹൈദരാബാദ് സ്വദേശി 32 വയസ്സുള്ള ശ്രീനിവാസ് കുച്ചിബോത്‌ലയാണ് കൊല്ലപ്പെട്ടിരുന്നു. ശ്രീനിവാസിനൊപ്പം ഉണ്ടായിരുന്ന ഇന്ത്യക്കാരനായ സുഹൃത്തിനും വെടിയേറ്റിരുന്നു. ഇത് തടയുന്നതിനിടെയാണ് ഗ്രില്ലറ്റിന് വെടിയേറ്റത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.