ഗൾഫ് യുദ്ധ കാലത്തു കാണാതായ കുവൈറ്റികളെ കുറിച്ച് വിവരം നൽകിയാൽ ഇനാം

കുവൈറ്റ് സിറ്റി: ഗൾഫ് യുദ്ധ കാലത്തു കാണാതായ കുവൈറ്റി പൗരന്മാരെക്കുറിച്ചും മോഷണം പോയ അമൂല്യ വസ്തുക്കളെ കുറിച്ചും വിവരം നൽകുന്നവർക്ക് ഇനാം നൽകുമെന്ന് ഇറാഖ് പ്രതിരോധ മന്ത്രാലയം അറിയിച്ചു. അധിനിവേശ കാലത്തു ഇറാഖീ പട്ടാളം നൂറുകണക്കിന് കുവൈറ്റികളെ പിടിച്ചുകൊണ്ടു പോയിരുന്നു. വിലകൂടിയ അപൂര്‍വ്വ വസ്തുക്കള്‍ ഇറാഖിലേക്ക് കടത്തുകയും ചെയ്തിരുന്നു.

പാലസുകളില്‍നിന്നും മ്യൂസിയങ്ങളില്‍നിന്നും മോഷ്ടച്ച അമൂല്യ വസ്തുക്കളും ഇറാഖില്‍നിന്ന് കുവൈറ്റിനു ലഭിക്കാനുമുണ്ട്. ഇരുരാജ്യങ്ങളും തമ്മിൽ നിലവിൽ നല്ല ബന്ധമായതിനാൽ, ഇവയെല്ലാം തിരികെ നൽകാനാണ് ഇറാഖ് തീരുമാനം. ഇതോടൊപ്പം കാണാതായ കുവൈറ്റ് പൗരന്മാരെ കുറിച്ചുള്ള വിവരങ്ങൾ ശേഖരിച്ച് അക്കാര്യം കുവൈറ്റിനെ അറിയിക്കാനാണുമാണ് ഇറാഖ് തീരുമാനിച്ചിരിക്കുന്നത്.