ഗർഷോം
മലയാളി യുവാവിന്റെ മൃതദേഹം ഷാര്‍ജയില്‍ മാലിന്യങ്ങള്‍ നിക്ഷേപിക്കുന്ന പെട്ടിയില്‍ ദുരൂഹസാഹചര്യത്തില്‍ കണ്ടെത്തി.
ഷാര്‍ജ: മലയാളി യുവാവിന്റെ മൃതദേഹം ഷാര്‍ജയില്‍ മാലിന്യങ്ങള്‍ നിക്ഷേപിക്കുന്ന പെട്ടിയില്‍ ദുരൂഹസാഹചര്യത്തില്‍ കണ്ടെത്തി. ഷാര്‍ജ അല്‍ നഹ്ദയില്‍ താമസക്കെട്ടിടത്തിന്‍റെ മാലിന്യപ്പെട്ടിയിലാണ് നെടുമങ്ങാട് സ്വദേശിയായ യുവാവിന്റെ മൃതദേഹം കണ്ടെത്തിയത്.
മാലിന്യങ്ങള്‍ നീക്കം ചെയ്യുന്നതിനിടെ കെട്ടിടത്തിന്‍റെ കാവല്‍ക്കാരനാണ് മൃതദേഹം കണ്ടെടുത്തത്. തുടര്‍ന്ന്‍ പോലീസിനെ വിവരം അറിയിച്ചു. പതിനഞ്ചാം നിലയില്‍ നിന്ന് മാലിന്യപെട്ടിയിലേക്ക് വീണ് വിഷവാതകം ശ്വസിച്ച്‌ മരിച്ചതായിരിക്കാമെന്ന് കരുതുന്നു.
കെട്ടിടത്തിന്‍റെ പതിനഞ്ചാം നിലയില്‍ താമസിച്ചിരുന്ന യുവാവ് കൈയ്യില്‍ ഒരു പ്ലാസ്റ്റിക് ബാഗുമായി വരാന്തയിലൂടെ ഗാര്‍ബേജ് മുറിയിലേക്കു പോകുന്നതിന്‍റെ ദൃശ്യങ്ങള്‍ ഫ്ലാറ്റിലെ സിസിടിവിയില്‍ പതിഞ്ഞിട്ടുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.