യുഎഇയിൽ പെരുന്നാൾ അവധികള്‍ പ്രഖ്യാപിച്ചു

ദുബായ്: റമദാൻ 29 മുതൽ ഷവ്വാൽ 3 വരെ സ്വകാര്യ മേഖലയിലുൾപ്പെടെയുള്ള എല്ലാ സ്ഥാപനങ്ങളിലെയും തൊഴിലാളികൾക്കു അവധി പ്രഖ്യാപിച്ചു. യു.എ.ഇ മാനവവിഭവശേഷി മന്ത്രാലയത്തിന്റെ അറിയിപ്പിലാണ് ഇക്കാര്യം വ്യക്തമാക്കിയിട്ടുള്ളത്. ശമ്പളത്തോട് കൂടിയ അവധിയാണ് നൽകുന്നത്.

മെയ് 22 വെള്ളിയാഴ്ചയായിരിക്കും റമദാൻ 29 എന്നാണ് നിലവിലെ വിലയിരുത്തൽ. ഇതുപ്രകാരം ഷവ്വാൽ 3 മെയ് 26 ചൊവ്വാഴ്ചയുമാണ്. എന്നാല്‍ മാസ പിറവിയിൽ മാറ്റം വരുകയാണെങ്കിൽ തീയതികളിൽ മാറ്റം ഉണ്ടാകുമെന്നും അധികൃതര്‍ അറിയിച്ചു.