Currency

വാഹനങ്ങളുടെ രജിസ്‌ട്രേഷന്‍ പുതുക്കല്‍; ബഹ്‌റൈനില്‍ ഓണ്‍ലൈന്‍ സൗകര്യം ഏര്‍പ്പെടുത്തി

സ്വന്തം ലേഖകന്‍Tuesday, January 21, 2020 11:55 am
vehicle-registration
Nominations-2020

ബഹ്‌റൈന്‍: ബഹ്‌റൈനില്‍ പൊതുഗതാഗത വാഹനങ്ങള്‍ക്കും ടൂറിസ്റ്റ് വാഹനങ്ങള്‍ക്കും രജിസ്‌ട്രേഷന്‍ പുതുക്കാന്‍ ഓണ്‍ലൈന്‍ സൗകര്യമേര്‍പ്പെടുത്തി. ഫീസ് അടക്കാനുള്ള സൗകര്യവും ഇതിനായുള്ള പോര്‍ട്ടലില്‍ ഏര്‍പ്പെടുത്തിയിട്ടുണ്ട്. bahrin.bh എന്ന വെബ് പോര്‍ട്ടലിലാണ് ഇതിനായി ഇ -പെയ് മെന്റ് അടക്കമുള്ള സംവിധാനങ്ങള്‍ ഉള്‍പ്പെടുത്തിയത്. ടാക്‌സി കാറുകള്‍, ടൂറിസ്റ്റ് ബസുകള്‍ എന്നിവയുടെ രജിസ്‌ട്രേഷന്‍ പുതുക്കലാണ് പോര്‍ട്ടല്‍ വഴി സാധിക്കുക.

ഗതാഗത രംഗത്തെ പൊതുസേവനങ്ങള്‍ എളുപ്പമാക്കുവാനുള്ള പരിഷ്‌കാരങ്ങളുടെ ഭാഗമായാണ് വാഹനങ്ങളുടെ രജിസ്‌ട്രേഷന്‍ പുതുക്കാന്‍ ഇ-ഗവണ്മെന്റ് പോര്‍ട്ടലില്‍ സൗകര്യം ഏര്‍പ്പെടുത്തിയത്. ടെലികോം, ഗതാഗത മന്ത്രാലയം, ട്രാഫിക് വിഭാഗം എന്നിവയുമായി സഹകരിച്ചാണ് ഓണ്‍ലൈന്‍ സൗകര്യം സംവിധാനിച്ചിരിക്കുനത്.

വ്യക്തികള്‍ക്കും കൊമേഴ്‌സ്യല്‍ രജിസ്‌ട്രേഷനുള്ള സ്ഥാപനങ്ങള്‍ക്കും അവരുടെ പബ്ലിക് ട്രാന്‍സ്‌പോര്‍ട്ട് വാഹനങ്ങള്‍ക്കുമുള്ള രജിസ്‌ട്രേഷന്‍ ഈ സൗകര്യം ഉപയോഗിച്ച് ഓണ്‍ലൈനായി പുതുക്കാന്‍ കഴിയും. ട്രാഫിക് പോര്‍ട്ടല്‍ വഴിയും രജിസ്‌ട്രേഷന്‍ പുതുക്കാനുള്ള സംവിധാനമുണ്ട്.


MONIER (1)

പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.

Leave a Comment

Your email address will not be published. Required fields are marked *

Top
x