ഡ്രൈവിംഗിനിടെ മൊബൈൽ ഫോൺ ഉപയോഗിച്ചാൽ ഇനി 200 പൗണ്ട് പിഴ

ലണ്ടൻ: യുകെയിൽ വാഹനം ഓടിക്കുന്നതിനിടെ മൊബൈൽ ഫോൺ ഉപയോഗിക്കുന്നവർക്കുള്ള പിഴ 100 പൗണ്ടിൽ നിന്നും 200 പൗണ്ടായി ഉയർത്താൻ തീരുമാനം. ഒപ്പം മൂന്ന് പെനൽറ്റി പോയന്റ് ശിക്ഷയായിരുന്നത് ആറ് പോയന്റ് ആക്കാനും തീരുമാനിച്ചിട്ടുണ്ട്. ഡ്രൈവിംഗിനിടെ മൊബൈൽ ഉപയോഗിച്ചത് വഴിയുണ്ടാകുന്ന അപകടങ്ങൾ വർദ്ധിക്കുന്ന സാഹചര്യത്തിലാണ് ഈ തീരുമാനം.

പുതിയ ശിക്ഷ പ്രാബല്യത്തിൽ വരുന്നതോടെ ഡ്രൈവിംഗിനിടെ മൊബൈൽ ഉപയോഗിച്ചതിനു രണ്ട് വട്ടം പിടിക്കപ്പെട്ടാൽ ലൈസൻസ് റദ്ദാക്കപ്പെടാം. അതേസമയം ലൈസൻസ് സ്വന്തമാക്കി രണ്ട് വർഷത്തിനുള്ളിൽ ആണു പിടിക്കപ്പെടുന്നതെങ്കിൽ ആദ്യ തവണതന്നെ ലൈസൻസ് റദ്ദാക്കപ്പെടും.