ക്രൊയേഷ്യയിൽ നിന്നുള്ള ചിക്കൻ യു.എ.ഇ നിരോധിച്ചു

ദുബായ് : ക്രൊയേഷ്യയിൽ നിന്നുള്ള ചിക്കനും ചിക്കൻ ഉൽപ്പന്നങ്ങളും യു.എ.ഇ നിരോധിച്ചു. കോഴിക്കുഞ്ഞുങ്ങൾ, മറ്റു പക്ഷികൾ, വിരിയിക്കാനുള്ള മുട്ടകൾ തുടങ്ങിയവയുടെ ഇറക്കുമതിക്കും നിരോധനമേർപ്പെടുത്തിയിട്ടുണ്ട്.

യൂറോപ്യൻ രാജ്യമായ ക്രൊയേഷ്യയിൽ പക്ഷിപ്പനി പടർന്നതായുള്ള വാർത്തയെ തുടർന്നാണ് ഇവിടെ നിന്നുള്ള പക്ഷികളുടെയും അവയിൽ നിന്നുള്ള ഉൽപ്പന്നങ്ങളുടെയും ഇറക്കുമതി നിരോധിച്ചിരിക്കുന്നത്.