ഒമാനിൽ ഇന്ധനവില നാലുശതമാനം വരെ കുറച്ചു

മസ്കറ്റ്: ഒമാനിലെ ഏപ്രിൽ മാസത്തെ ഇന്ധനവില പ്രഖ്യാപിച്ചു. M95 പെട്രോൾ ലിറ്ററിന് മാർച്ചിൽ 198 ബൈസയുണ്ടായിരുന്നത് 192 ബൈസയായി കുറഞ്ഞു. M91പെട്രോൾ ലിറ്ററിന് 186 ബൈസയുണ്ടായിരുന്നത് ഏപ്രിലിൽ 180 ബൈസയാണ്.

ഡീസൽ വില ലിറ്ററിന് 200 ബൈസയായി കുറച്ചിട്ടുണ്ട്. മാർച്ച് മാസത്തിൽ 208 ബൈസയായിരുന്നു ഡീസൽ വില. അന്താരാഷ്ട്ര തലത്തിൽ ക്രൂഡ് ഓയിൽ വില കുറഞ്ഞതാണ് ഒമാനിലെ എണ്ണവിപണിയിലും പ്രതിഫലിച്ചത്.