ഗർഷോം
ഇവിടെ രജിസ്റ്റര്‍ ചെയ്യുന്നവര്‍ തങ്ങളുടെ പക്കലുള്ള പുസ്തകങ്ങള്‍ മറ്റുള്ളവര്‍ക്ക് വായിക്കാനായി നല്‍കിയാല്‍ സൗജന്യ ഭക്ഷണം ലഭിക്കും. കോഫി മാത്രമല്ല, ബര്‍ഗര്‍, ഷെയ്ക്ക് തുടങ്ങിയവയെല്ലാം നല്‍കുന്നുണ്ട്.
ന്യൂഡല്‍ഹി: ഇത് ഡല്‍ഹി യൂണിവേഴ്‌സിറ്റി ക്യാമ്പസിലെ ഒരു വേറിട്ട കഫെയാണ്. ഇവിടെ രജിസ്റ്റര്‍ ചെയ്യുന്നവര്‍ തങ്ങളുടെ പക്കലുള്ള പുസ്തകങ്ങള്‍ മറ്റുള്ളവര്‍ക്ക് വായിക്കാനായി നല്‍കിയാല്‍ സൗജന്യ ഭക്ഷണം ലഭിക്കും. കോഫി മാത്രമല്ല, ബര്‍ഗര്‍, ഷെയ്ക്ക് തുടങ്ങിയവയെല്ലാം നല്‍കുന്നുണ്ട്.
പുസ്തകത്തെ സ്‌നേഹിക്കുന്നവര്‍ക്ക് അവര്‍ക്ക് ഏറ്റവും ഇഷ്ടമുള്ള എഴുത്തുകാരെ കുറിച്ചും രചനയെ കുറിച്ചും സംസാരിക്കാനും ചര്‍ച്ച ചെയ്യാനുമുള്ള സൗകര്യവും ഈ കഫെയില്‍ ഒരുക്കിയിട്ടുണ്ട്.
പക്ഷേ പുസ്തകങ്ങള്‍ കൈമാറുന്നവര്‍ക്ക് മാത്രമേ സൗജന്യ ഭക്ഷണം നല്‍കുകയുള്ളു. തങ്ങളുടെ കൈയിലുള്ള പുസ്തകങ്ങള്‍ ഇവിടെ രജിസ്റ്റര്‍ ചെയ്യുന്നവര്‍ മറ്റുള്ളവര്‍ക്കും വായിക്കാന്‍ നല്‍കണം.
ഏതായാലും വായനയെ പ്രോത്സാഹിപ്പിക്കാനുള്ള ഈ വേറിട്ട സംരംഭത്തെ ഇരുകൈയും നീട്ടി സ്വീകരിച്ചിരിക്കുകയാണ് ക്യാമ്പസിലെ വിദ്യാര്‍ത്ഥികള്‍.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.