Currency

ദുബായില്‍ ഇനി റോഡുകള്‍ വയര്‍ലെസ് ചാര്‍ജറുകള്‍ കൂടിയാകും; അത്യാധുനിക സംവിധാനം പ്രവര്‍ത്തനം ആരംഭിച്ചു

സ്വന്തം ലേഖകന്‍Thursday, February 13, 2020 10:52 am
electic-bus
Nominations-2020

ദുബായ്: റോഡിലൂടെ കടന്നുപോകുന്ന ഇലക്ട്രിക് വാഹനങ്ങള്‍ ദുബായില്‍ ഇനി താനേ റീചാര്‍ജ് ചെയ്യപ്പെടും. റോഡ് തന്നെ വയര്‍ലെസ് ചാര്‍ജര്‍ ആകുന്ന അത്യാധുനിക സംവിധാനം പരീക്ഷണാടിസ്ഥാനത്തില്‍ പ്രവര്‍ത്തനം ആരംഭിച്ചു.

ദുബായ് സിലിക്കണ്‍ ഒയാസിസിലാണ് റോഡ് വയര്‍ലെസ് ചാര്‍ജറായി ഇലക്ട്രിക് വാഹനങ്ങള്‍ റീചാര്‍ജ് ചെയ്യുന്ന സംവിധാനം പ്രവര്‍ത്തനമാരംഭിച്ചത്. ഷേപ്പ്ഡ് മാഗ്‌നറ്റിക് ഫീല്‍ഡ് ഇന്‍ റെസൊണന്‍സ് അഥവാ എസ്എംഎഫ്‌ഐആര്‍ എന്ന സാങ്കേതിക വിദ്യ ഉപയോഗിച്ചാണ് 60 മീറ്റര്‍ മാത്രം നീളമുള്ള ഈ ചാര്‍ജര്‍ പാതയിലൂടെ കടന്നുപോകുന്ന വാഹനങ്ങള്‍ ചാര്‍ജ് ചെയ്യപ്പെടുക. കേബിള്‍ ഉപയോഗിച്ച് വാഹനങ്ങള്‍ ചാര്‍ജ് ചെയ്യുന്നതിനേക്കാള്‍ ഫലപ്രദമാണ് ഈ സംവിധാനമെന്ന് ആര്‍ടിഎ അധികൃതര്‍ അവകാശപ്പെടുന്നു.

ദുബായ് സര്‍ക്കാര്‍ നടപ്പാക്കുന്ന സുസ്ഥിര വികസന നടപടികളുടെ ഭാഗമായി പരിസ്ഥിതി സൗഹൃദ വാഹനങ്ങളുടെ ഉപയോഗം പ്രോല്‍സാഹിപ്പിക്കുന്ന പദ്ധതികളുടെ ഭാഗയാണ് ഇത്തരം റീചാര്‍ജിങ് റോഡുകള്‍ സ്ഥാപിക്കുന്നത്. ഇത്തരം റോഡിന് സമീപത്തെ വൈദ്യുത കാന്ത തരംഗങ്ങള്‍ അന്താരാഷ്ട്ര മാനദണ്ഡം പാലിക്കുന്നതാണെന്നും ആര്‍ ടി എ അറിയിച്ചു.


MONIER (1)

പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.

Leave a Comment

Your email address will not be published. Required fields are marked *

Top
x