ഗർഷോം
ആനുകൂല്യങ്ങൾ ഉപയോഗപ്പെടുത്താൻ വേണ്ടി മാത്രം രാജ്യത്ത് എത്തുന്ന ഇതര യൂറോപ്യൻ രാജ്യങ്ങളിൽ നിന്നുള്ള പൗരന്മാർക്ക് നിയന്ത്രണം ഏർപ്പെടുത്താൻ ജർമ്മനി നീക്കം തുടങ്ങി.
ബർലിൻ: ആനുകൂല്യങ്ങൾ ഉപയോഗപ്പെടുത്താൻ വേണ്ടി മാത്രം രാജ്യത്ത് എത്തുന്ന ഇതര യൂറോപ്യൻ രാജ്യങ്ങളിൽ നിന്നുള്ള പൗരന്മാർക്ക് നിയന്ത്രണം ഏർപ്പെടുത്താൻ ജർമ്മനി നീക്കം തുടങ്ങി. ഈ പ്രവണത തടയുന്നതിന്റെ ഭാഗമായി തയാറാക്കിയ ബില്‍ ജര്‍മന്‍ മന്ത്രിസഭ ഇതിനോടകം അംഗീകരിച്ചിട്ടുണ്ട്. പാര്‍ലമെന്റിൽ പാസാക്കപ്പെട്ടാൽ ഇത് നിയമമായി പ്രാബല്യത്തിൽ വരും.
കിഴക്കന്‍ യൂറോപ്പില്‍നിന്നുള്ളവര്‍ സര്‍ക്കാര്‍ ആനുകൂല്യം മാത്രം പ്രതീക്ഷിച്ച് ജര്‍മനിയിലെത്തി ജോലി ചെയ്യാതെ ജീവിക്കുന്നത് വർധിച്ച സാഹചര്യത്തിലാണ് ഈ നീക്കം. ജര്‍മനിക്കു പുറത്തുനിന്നുള്ളവര്‍ക്ക് സര്‍ക്കാര്‍ ആനുകൂല്യങ്ങള്‍ കിട്ടാന്‍ അഞ്ച് വര്‍ഷം രാജ്യത്ത് താമസിക്കണം എന്ന് പുതിയ നിയമം വ്യവസ്ഥ ചെയ്യുന്നു. അതേസമയം ഇത് യൂറോപ്യന്‍ യൂണിയന്‍ ചട്ടങ്ങളുടെ ലംഘനമായി കണക്കാക്കി നിയമപരമായി ചോദ്യംചെയ്യപ്പെടാനും സാധ്യതയുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.