അനധികൃത കുടിയേറ്റക്കാരും കുറ്റവാളികളുമായ 95 വിദേശികൾ ഹൂസ്റ്റണിൽ പിടിയിൽ

ഹൂസ്റ്റൺ: ഹൂസ്റ്റണിൽ ഇമിഗ്രേഷൻ ഓഫീസർമാർ നടത്തിയ പരിശോധനയിൽ അനധികൃത കുടിയേറ്റക്കാരും കുറ്റവാളികളുമായ 95 വിദേശികൾ പിടിയിലായി. അനധികൃത കുടിയേറ്റക്കാരിൽ ക്രിമിനൽ കേസുകളിൽ ഉൾപ്പെട്ട 82 ഉം മറ്റു കേസുകളിൽ പ്രതികളായ 13 ഉം പേരെയാണ് സൗത്ത് ഈസ്റ്റ് ടെക്സസിൽ നിന്നും കഴിഞ്ഞ അഞ്ചു ദിവസത്തിനുള്ളിൽ പിടികൂടിയത്. ഇവരിൽ എട്ടു പേഋ സ്ത്രീകളാണ്.

അറസ്റ്റ് ചെയ്തവരുടെ കേസുകൾ ഓരോന്നായി പ്രത്യേകം പഠിച്ചു കേസെടുക്കുകയോ, നാടുകടത്തുകയോ ചെയ്യുമെന്ന് ഇമിഗ്രേഷൻ ഉദ്യോഗസ്ഥർ അറിയിച്ചു. 2016ൽ നാടുകടത്തിയ 240,255 അനധികൃത കുടിയേറ്റക്കാരിൽ 92 ശതമാനവും ക്രിമിനൽ കേസുകളിൽ ഉൾപ്പെട്ടിരുന്നതായിരുന്നു എന്നും അധികൃതർ അറിയിച്ചു.