കൊല്ലപ്പെട്ട കാമുകിയുടെ മൃതദേഹത്തിനൊപ്പം യുവാവ് കഴിഞ്ഞത് ആഴ്ചകളോളം

വിയന്ന: കൊല്ലപ്പെട്ട കാമുകിയുടെ മൃതദേഹത്തിനൊപ്പം മുപ്പത്തിയൊമ്പതുകാരൻ കഴിഞ്ഞത് ആഴ്ചകളോളം. ഓസ്ട്രിയയിലെ ഗ്രേസിലാണ് സംഭവം. നാൽപ്പത്തിനാലുകാരിയായ തന്റെ മകളെക്കുറിച്ച് കുറേക്കാലമായി വിവരമൊന്നുമില്ലെന്ന് കൊല്ലപ്പെട്ട സ്ത്രീയുടെ അമ്മ നൽകിയ പരാതിയുടെ അടിസ്ഥാനത്തിൽ നടത്തിയ പരിശോധനയിലാണ് കാമുകനൊപ്പം അവർ കഴിഞ്ഞിരുന്ന അപാർട്ട്മെന്റിൽ നിന്നും മൃതദേഹം പോലീസ് കണ്ടെത്തിയത്.

പ്ലാസ്റ്റിക് ബാഗിൽ കെട്ടിവെച്ച നിലയിലായിരുന്നു മൃതദേഹം. അതേ അപാർട്ട്മെന്റിൽ താമസിക്കുകയായിരുന്നു കാമുകനെ പോലീസ് അറസ്റ്റ് ചെയ്തിട്ടുണ്ട്. ഇയാൾ തന്നെയാകണം കൊലപ്പെടുത്തിയതെന്നാണ് പോലീസ് നിഗമനം. കമിതാക്കൾ ഇരുവരും ലഹരിക്ക് അടിമകൾ ആണെന്ന് സമീപവാസികൾ പറയുന്നു. ലഹരിക്കടിപ്പെട്ട് ചെയ്ത കൊലപാതകമാകാം എന്നാണ് കരുതുന്നത്