ഗർഷോം
ദുബായ്: യുഎഇയില്‍ പ്രതിദിന കോവിഡ് കേസുകള്‍ ഏറ്റവും ഉയര്‍ന്ന നിലയില്‍. രോഗികളുടെ എണ്ണം പെരുകുന്നതിനിടെ ദുബായില്‍ പുതിയ ക്വാറന്റൈന്‍ നിയമം നിലവില്‍ വന്നു. രോഗികളുമായി സമ്പര്‍ക്കമുള്ളവര്‍ 10 ദിവസം നിര്‍ബന്ധിത ക്വാറന്റൈനില്‍ കഴിയണം. ഇവര്‍ പരിശോധനയില്‍ നെഗറ്റീവ് ആണ് എന്ന് തെളിഞ്ഞാലും ക്വാറന്റൈന്‍ നിര്‍ബന്ധമായിരിക്കുമെന്ന് ദുബായ് ഹെല്‍ത്ത് അതോറിറ്റി അറിയിച്ചു. കോവിഡ് രോഗികളുമായി രണ്ട് മീറ്റര്‍ അകലത്തില്‍ കഴിഞ്ഞതും അവരുമായി 15 മിനിറ്റില്‍ കൂടുതല്‍ ചെലവഴിച്ചതും സമ്പര്‍ക്കമായി കണക്കാക്കണം.
രോഗം തിരിച്ചറിയുന്നതിന് രണ്ട് ദിവസം മുമ്പും തിരിച്ചറിഞ്ഞതിന് ശേഷം 14 ദിവസവും അവരുമായി സമ്പര്‍ക്കമുണ്ടെങ്കില്‍ ക്വാറന്റൈറന്‍ നിര്‍ബന്ധമായിരിക്കും. യുഎഇയിലെ ഫെഡറല്‍ സര്‍ക്കാര്‍ ജീവനക്കാര്‍ക്ക് ഓരോ 14 ദിവസവും പിസിആര്‍ പരിശോധന നിര്‍ബന്ധമാക്കി. വാക്‌സിനെടുത്താല്‍ ഈ നിബന്ധന ബാധകമല്ല.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.