ഗർഷോം
ദുബായ്: യാത്ര രേഖകളുടെ പരിശോധനയ്ക്കായി പുതിയ ഡിജിറ്റല്‍ സംവിധാനവുമായി ദുബായ് ജനറല്‍ ഡയറക്ടറേറ്റ് ഓഫ് റസിഡന്‍സി ആന്റ് ഫോറിനേഴ്‌സ് അഫയേഴ്‌സ്. ദുബായ് ഇ-ഡോക്യുമെന്റ്‌സ് സിസ്റ്റം എന്ന പേരിലുള്ള പുതിയ സംവിധാനത്തിലൂടെ കൃത്രിമ രേഖകള്‍ ഉപയോഗിച്ചു രാജ്യത്ത് പ്രവേശിക്കുന്നത് തടയാനും വ്യാജന്മാരെ അതിവേഗം കണ്ടെത്താനും സാധിക്കും.
ദുബായ് എമിഗ്രേഷന്‍ ഡെപ്യൂട്ടി ഡയറക്ടര്‍ മേജര്‍ ജനറല്‍ ഉബൈദ് ബിന്‍ സുറൂറാണ് പുതിയ സംവിധാനത്തിന് തുടക്കം കുറിച്ചത്. ലോകത്തിലെ എല്ലാം രാജ്യങ്ങളുടെയും യഥാര്‍ത്ഥ യാത്രാ രേഖകളുടെ ഡിജിറ്റല്‍ പകര്‍പ്പുകള്‍ ശേഖരിച്ചിട്ടുണ്ട്. ഇതുപയോഗിച്ച് പരിശോധന നടത്തിയാണ് അനധികൃതമായി രാജ്യത്ത് പ്രവേശിക്കുന്നത് തടയുന്നത്.
നെതര്‍ലാന്റ്‌സ്, കാനഡ, അമേരിക്ക, ഓസ്‌ട്രേലിയ തുടങ്ങിയ രാജ്യങ്ങളില്‍ നിലവിലുള്ള സംവിധാനത്തിന് സമാനമാണിത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.