ഗർഷോം
2050ഓടെ ലോക ജനസംഖ്യ 1000 കോടിക്കടുത്തു വരുമെന്ന് റിപ്പോര്‍ട്ട്. യൂറോപ്പില്‍ ജനസംഖ്യ 2050ല്‍ 74 കോടിയില്‍ നിന്നു 72.8 കോടിയായി കുറയുമെന്നും പോപുലേഷന്‍ റെഫറന്‍സ് ബ്യൂറോയുടെ റിപ്പോർട്ടിൽ പറയുന്നുണ്ട്
ന്യൂയോര്‍ക്: 2050ഓടെ ലോക ജനസംഖ്യ 1000 കോടിക്കടുത്തു വരുമെന്ന് റിപ്പോര്‍ട്ട്. 740 കോടിയാണ് ഇപ്പോള്‍ ജനസംഖ്യ. അത് 33 ശതമാനം വര്‍ധിച്ച്‌ 2050ഓടെ 990 കോടിയാവുമെന്നാണ് പോപുലേഷന്‍ റെഫറന്‍സ് ബ്യൂറോയുടെ (പി.ആര്‍.ബി) നിരീക്ഷണം.
അതേസമയം യൂറോപ്പില്‍ ജനസംഖ്യ 2050ല്‍ 74 കോടിയില്‍ നിന്നു 72.8 കോടിയായി കുറയുമെന്നും റിപ്പോർട്ടിൽ പറയുന്നുണ്ട്. ആഫ്രിക്കന്‍ രാജ്യങ്ങളില്‍ ഇരട്ടിയാവുകയും ചെയ്യുമെന്ന് പി.ആര്‍.ബിയുടെ സി.ഇ.ഒയും പ്രസിഡന്‍റുമായ ജെഫ്രി ജോര്‍ദാന്‍ ചൂണ്ടിക്കാട്ടി. പി.ആര്‍.ബിയുടെ റിപ്പോര്‍ട്ടനുസരിച്ച്‌ 2050ഓടെ ആഫ്രിക്കയിലെ ജനസംഖ്യ 250 കോടിയാവും.
ജനസംഖ്യയില്‍ 65 വയസ്സില്‍ കൂടുതലുള്ളവരുടെ ഏറ്റവും കൂടുതലുള്ളതു ജപ്പാനിലായിരിക്കും. 2050ല്‍ ജപ്പാനിലെ ജനസംഖ്യയില്‍ നാലിലൊന്നും ഈ വിഭാഗത്തിലുള്ളവരായിരിക്കുമെന്നും പിആര്‍ബിയുടെ കണക്കില്‍ പറയുന്നു. 29 രാജ്യങ്ങളില്‍ ജനസംഖ്യ ഇരട്ടിയായി കുതിച്ചുയരും. 42 രാജ്യങ്ങളില്‍ അത് കുറയുകയും ചെയ്യും. അമേരിക്കന്‍ ജനസംഖ്യ 32.4 കോടിയില്‍നിന്ന് 23 ശതമാനം വര്‍ധിച്ച്‌ 39.8 കോടിയാകും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.