ജർമനിയിൽ മുഖംമൂടുന്ന വസ്ത്രങ്ങൾ നിരോധിക്കണമെന്ന് മെർക്കൽ

ബർലിൻ: മുഖം മൂടുന്ന തരത്തിലുള്ള വസ്ത്രങ്ങൾക്ക് രാജ്യത്ത് നിരോധനം ഏർപ്പെടുത്തണമെന്ന് ജർമൻ ചാൻസലർ ആംഗെല മെർക്കൽ. മുഖം മറച്ചുള്ള വസ്ത്രധാരണം ജനങ്ങള്‍ തമ്മിലുള്ള ആശയവിനിമയത്തിനും തടസ്സമാകുന്നുവെന്നും ആളുകളെ തിരിച്ചറിയാതിരിക്കാൻ കാരണമാകുന്നുണ്ടെന്നും നേരത്തെ അഭിപ്രായമുയർന്നിരുന്നു.

ഇസ്ലാമിക വേഷം രാജ്യത്ത് നിരോധിക്കണമെന്ന് ആവശ്യപ്പെട്ട് ആഭ്യന്തര മന്ത്രി തോമസ് ഡി മയ്സയര്‍ നേരത്തെ രംഗത്തെത്തിയിരുന്നു. ഇത് സംബന്ധിച്ച നിയമം നടപ്പിലാക്കുകയാണെങ്കിൽ അത് മുസ്ലീം വിഭാഗത്തെയാണ് കൂടുതലായും ബാധിക്കുക. നേരത്തെ ഈ നിർദേശത്തോട് താല്പര്യം കാണിക്കാതിരുന്ന വ്യക്തിയാണ് ആംഗെല മെർക്കൽ.